موقف حصل بيني وبين الفنانة القديرة زوزو نبيل أثناء تصوير مسلسل رحلة المليون ١٩٨٤ .. كنت قبلها مقدم شخصية علي بيه مظهر اللي حققت نجاح كبير جداً وكنت خايف الجمهور مايعرفش يشوفني غير ” علي بيه مظهر ” .
وفِي يوم من ايّام تصوير سنبل اللي كنّا لغاية أوائل رمضان مستمرين في تصويره .. وقت الفطار كنت في الشارع بفطر وراجع تاني التصوير كان فيه قهوة مشغلة سنبل والنَّاس بتتفرج جه مشهد كوميدي لاقيت القهوة كلها ضحكت بصوت عالي .. جريت من فرحتي علي الاستديو وبقول لحبيبتي زوزو نبيل بفرحة كبيرة ..
قتلته يا ماما زوزو اتخضت وقالتلي مين ده ؟!
قلتها قتلت علي بيه مظهر وكان من احلي أيام حياتي لما لمست نجاح سنبل .
