• ليه نلوم الست اللي بصت لراجل متجوز وما نلومش الراجل اللي بص لواحدة غير مراته، الاتنين غلطانين.
• على فكرة، فيه رجالة بتفضل ورا ستات متجوزة لحد ما تطلقها من جوزها عادي يعني مش بس الستات اللي بتخرب البيوت.
• احتمال تحب واحدة غير مراتك غصب عنك لكن عشان تُقدم على تطليق مراتك ده بيكون بكامل إرادتك مش غصب عنك.
• البيوت كلها مقفولة على اسرار، ممكن عائلات تبدو سعيدة لكن الحقيقة غير كدة.
• مفيش مشكلة ان ناس تبقى مش مبسوطة في جوازاتها ويتطلقوا، ياما حصل وبيحصل وحيحصل لكن ده بيكون بسبب عوامل داخلية مش بسبب محفز خارجي.
• الراجل/الست اللي عندهم استعداد يهدوا بيوتهم المستقرة عشان واحدة/واحد تاني هما في الأصل أنانيين بيحبوا نفسهم اكتر من ولادهم وبيوتهم فيستاهلوا اللي حيحصل لهم.
• الناس بتتغير مع الوقت..وفيه حقيقي حاجة اسمها ازمة منتصف العمر وبتيجي للرجالة وللستات يا إما تعدي الأزمة دي بسلام يا إما تقع أو تقعي في شباك من لا يرحم.
• الأفضل والأصلح ان ما حدش يصدر احكام في المطلق لأننا مش مكانهم ولا عارفين خلفيات حياتهم .
• اللي لا شك فيه أن الدنيا دوارة..واللي غلط ربنا مش حيسيبه واللي أتظلم حيرجع له حقه تالت ومتلت.. لأن ربنا يمهل ولا يهمل في النهاية أنا بحب الاتنين دول كفنانين كل اللي ليا عندهم انهم يقدمولي أعمال فنية استمتع بيها وبس!
