النجم فى الآخر “إنسان” ليه حريته وليه لامؤاخذه “جسمه” اللي مايصحش وعيب وممنوع حتى يتلمس!
الناس اللي من النوعيه “اللزجه” ده اللي تحرجك
بمد الإيد
ووراها الحضن المتين
والطبطبه
بقت بتتسلل إلى كل الحفلات والأفراح وبتعمل كده ساعات مع نجمات “سيدات” !
حاجه فى منتهى السفاله !
ولو أنا من أى نجم وحد لمسنى للفت الإنتباه مثلا أو للكلام ، هضربه بالجزمه !
ده إسمه
“Over Touch”
وليه عقوبه فى العالم كله، يعنى إيه تمسك حد من جسمه علشان تتصور !!!!
الناس ده كرهت النجوم فى التجمعات كلها وظلمت معاها مصوريين ومراسلين وناس بتأدى شغلها فعلا فى حفلات وجنازات ومهرجانات ….
ماتبررش تصرفك يا فنان معظمنا فاهم أوى طبيعة الأشخاص (“اللزجه” تانى) ،
اللى مابيجيش من وراهم غير الدوشه العبثيه” واللت والعجن وتريندات القناصينن التافهه التى لا ولن تنتهى !
هالة الدمراوى تكتب عن واقعة أحمد عبدالعزيز وعادة السلام والأحضان والطبطبة!
