سامح بيشوى كتب يقول:
عارف مين الراجل اللي جنب محمد صلاح ده ؟
ده ايان راش ، اسطوره ليفربول و هداف ليفربول التاريخي ب 346 هدف !
انا عايزك تتخيل معايا بس ان ايان راش من 3 سنين طلع قال انه مشجع كبير لمحمد صلاح و انه مش شاغل باله مين يبدأ في التشكيل الخاص ب ليفربول جنب صلاح علي قد ما يشوف صلاح كل مرة بيبدأ !
في الصورة اللي علي اليمين دي بقي كانوا بيسألوا ايان راش عن مين هو اسطوره الدوري الانجليزي ، المفاجأه انه لا اختار نفسه ولا حتي اختار شيرار او هنري او روني ، اختار محمد صلاح !
الجميل بقي ان امبارح ايان راش بنفسه سلم محمد صلاح جائزه افضل لاعب في الدوري الانجليزي من رابطه الكتاب الانجليز لتالت مرة في مسيرته عشان يكون اكتر لاعب كسب الجائزه دي في التاريخ رفقه تيري هنري !
فكرة ان اسطوره تاريخيه في ليفربول زي ايان راش يكون بيقدر لاعب زي محمد صلاح بالشكل ده وقتها تعرف ان محمد صلاح لاعب كبير جدا و كونه يبقي تالت اكتر لاعب سجل اهداف في تاريخ ليفربول ده انجاز ملوش مثيل و كان من رابع المستحيلات انه يتحقق من لاعب مصري
