ايوه حقيقي انت عبقرى انك تنجح فى عصر مبارك وتنافق بكل اخلاص علاء وجمال ولجنة السياسات وتحقق كل المكاسب والمناصب ..
فأنت عبقرى وانك فجأة تتحول لثائر من ثوار يناير وتنزل التحرير وتهتف بكل إخلاص ضد فساد مبارك وعلاء وجمال وتحافظ على مكاسبك ..
فأنت عبقرى وانك بنفس الإخلاص تبوس أيادي المجلس العسكرى وتحلف برحمة والدك انك فدا مصر وشعبها وتحقق مكاسب اكتر ..
فأنت عبقرى وانك تتلون فجأة وتصبح خادم آمين للإخوان ونظامهم وتدعم مرسى ضد شفيق وتطلع على كل الشاشات تسبح بمحاسن العهد الجديد وتزيد من مكاسبك ..
فأنت عبقرى وانك فورا تغير كل قناعاتك وافكارك وتقسم برحمة والدتك انك سيساوى حتى النخاع وتفضل موجود فى الصورة بمكاسب اكتر واكتر بلا اى خجل ..
فأنت عبقرى وانك حاليا وانت بتقرا كلامى ده بتجهز نفسك وبتستعد لاى عهد جديد علشان تبدى الولاء والطاعة له بلا تردد ..
فأنت عبقرى ايوه حقيقي صدقنى انت عبقرى والشيطان نفسه بيتعلم منك العبقرية حتى اسأله هيقولك يامستر!
وووكل سنة وشرفاء مصر بخير رغم أنف الشياطين
