من كام يوم توفى صديق عزيز فى عز شبابه عشرة عمر طويلة
صدمة موت حد بشكل فجأة خلاص مبقتش تصدمنى بس طبعا لسه بحزن مع استدعاء كامل لكل الحزن السابق ..لكن لما سالت هو مات ازاى عرفت انه كان بيشترى حاجة من السوبر ماركت وقع مات تخيل تبقى نازل من البيت ومترجعش نازل وانت سليم نازل وسايب أحلامك وطموحاتك وخططك ومستقبلك وولادك وأفكارك وعيلتك وكل حاجة كل حاجة ومترجعش
..تخيل قد ايه الدنيا متسواش حاجة ازاى تخيل فى أقل من ثانية تكون فى عالم تانى الله اعلم به حيبقى بالنسبة لك عامل ايه وكل واحد وعمله
تخيل كل ده يا اخى ولسه فيه ناس بتأذى وتحارب الناس فى اكل عيشها وفى حياتها تخيل كل ده ولسه ناس بتنافق خوف من المخلوق ومش من الخالق ..تخيل كل ده ولسه ناس عندها طاقة فى المناهدة وقلب الحق باطل تخيل كل ده ولسه فى ناس بتتحكم فى البشر وكأنهم بايدهم الحياة والموت …تخيل يا اخى كل شوية ربنا بيدينا حاجات كتير عشان يلحقنا وبرده مفيش فايدة
﴿لَهُمْ قُلُوبٌ لَا يَفْقَهُونَ بِهَا وَلَهُمْ أَعْيُنٌ لَا يُبْصِرُونَ بِهَا وَلَهُمْ آذَانٌ لَا يَسْمَعُونَ بِهَا
الله يرحمك يافرج ويغفرلك
