ايه المعلمة دي؟ نفسي اشوف نتنياهو وهو بيسمع الكلمة والنقطتين دول تحديدا انا لقطتهم من كلمة الرئيس………. حصل ايه ؟

الرئيس اتكلم طبعا ووجه الشكر وتحدث عن اهمية السلام في الشرق الاوسط واهميته وحقوق الشعب الفلسطيني وخلافه…….. كل دا حلو، بس معلش نركنه بقى على جنب ونيجي للضرب من تحت الحزام

لتاني مرة بيكررها ومتاكد الاعلام الاسرائيلي مش هيسكت والتحليلات هتبدا

حاجتين لفتوا انتباهي في كلمة الرئيس السيسي “خليكم فاكرين اني اول واحد اتكلمتم عنهم عشان كله هيبدا يقولهم بعد شوية”

لتاني مرة بيوجه كلامه للشعب الاسرائيلي لصناعة السلام بشكل عام، لما قالهم نصا: “أقول لشعب إسرائيل مدوا أيديكم لتحقيق السلام في المنطقة” ويتجاهل الحكومة بزعامة نتنياهو، وهو ما يعني في العلوم السياسية عدم اكتراث القائد بحكومة الشعب او الدولة اللي بيكلمها

تاني حاجة بقى اللي علمت اوي اوي معايا وهنتكلم عنها تاني وتالت ورابع
لما الرئيس السيسي ذكر العالم كله والشعب الاسرائيلي بالرئيس الراحل البطل الشهيد محمد انور السادات

وذكرهم حينما ذهب للقدس، وهنا ما قالش اسرائيل، قال القدس، التسمية العربية المحببة لنا جميعا، ليضع خنجرا اخر من التجاهل لرئيس وزراء الاحتلال

▪️اكتوبر ٢٠٢٣: العالم مع #النتن ومصر وحدها مع #فلسطين

▪️اكتوبر ٢٠٢٥: العالم مع مصر في شرم الشيخ حرفياً، و #النتن منبوذ ومحاصر ومعزول وكانّه #فيروس!

وبين الاكتوبرين حسمت مصر العديد من الجولات العديدة ، والتي تتنوع ما بين العسكرية والسياسية والقانونية والدبلوماسية ، وجميعها تشهد ان الدولة المصرية هي الرقم الصعب في معادلة الاقليم ، وحجر الاساس ليس فقط في تنميته واستقراره ، بل في بقاءه من الاساس
الخلاصة: لقاء الرئيسين السيسى وترامب موفق للغايه….والمؤتمر الإعلامى اخذ فيه الرئيس المصرى موافقه بكل شئ على شاشات العالم كله……تحيا_مصر……والحمد لله رب العالمين….وإذكروا الله كثيرا لعلكم تفلحون.