النهارده عيد ميلاد بناتي فريدة ومَلَكقولت بدل ما أكتب معايدة زي كل سنة… أكتب جواب.
زي ناس زمان، يعيش معاهم للزمن،وكل سنة أرجع له، أزود عليه سطر جديد…نصيحة، إحساس، أو كلمة من قلبي ❤️يا فريدة… يا ملك، كل سنة وإنتوا روحي وعمري،وأغلى وأجمل استثمار في حياتي.
هقولكم كلمتين من القلب… اهلك لاتهلك و خصوصا الاختسندوا بعض، وكونوا قوة لبعض، ودايمًا الضهر اللي ما يتهزش.الزعل ممكن يعدّي، لكن حب الأخت… أقرب لحب الأم، وما يتعوّضش أبداً ❤️أنا لما قلت عايزة أخلف اثنين، كان قلبي بيتمناكم سند وقوة لبعض، والحمدلله ربنا رزقني بيكم، ووجودكم في حياة بعض أعظم نعمة.
وحافظوا وتمسكوا بعلاقتكم بربنا،في الفرح قبل الحزن، وفي الراحة قبل التعب،احكوله عن كل حاجة، ولو غلطتوا ارجعوا له، ربنا عمره ما بيقفل بابه… دايمًا فاتح بابه بكل حبحبّوا الخير للناسولو في إيدكم تساعدوا.
ساعدوا… بطيبة وبنية صافية،ومن قلبكم افرحوا الناس واجبروا الخواطراعرفوا إن ده عبادة تقربكم من ربنا،والخير اللي بتزرعوه بيرجع في قلوبكم ألف مرة ❤️احلموا دايمًا،ما تخافوش تكبروا أحلامكم، خلي عندكم طموح يرفعكم فوق،وروحكم تكون دايمًا شجاعة وجريئة…ربنا معاكم في كل خطوة، وكل حلم بتحلموه بإيمان… ممكن يتحقق ❤️
وخلي عندكم كرامة، وثقة في نفسكم،ما تصغروش روحكم عشان ترضوا حد، أوعي تسمحي لحد يقلل من قيمتك ولا تنسوا إن اللي بيحبكم بجد… عمره ما يكسركم.
وافتكروا دايمًا إن عقلكم هو كنزكم الحقيقي، كبّروه بالمعرفة، نوّروه بالوعي،وخلوه دايمًا صاحي وفاهم،هو اللي هيحميكم بعد ربنا 🌿😍 زرع حصد جملة أمي حطوها حلقه في ودنكماللهم ارزقهن السعادة والطمأنينة، والنجاح والتوفيق في كل أمر.
اجعل لهن من كل همٍ مخرجًا، ومن كل عسرٍ يسرًا”.
“اللهم بارك لهن في أعمارهن وأعمالهن، واكرمهن بفضلك ورحمتك”.
بحبكم دايمًا
