الإعلام و الأهرامات فوق المقارنات زي ما جمال عبد الناصر مش هاتتاثر مكانته برأي حضرتك في النكسة ولا السادات برأيك ف الانفتاح و لا عبد الحليم برأيك في محمد رشدي ولا بليغ برأيك ف السنباطي و لا ام كلثوم برأيك ف اسمهان ولا عبد الوهاب برأيك ف اي ملحن و هكذا…..
محمود الخطيب لا تتاثر مكانته برأيك فيه بصراحة ولا برأيك في نتائج فريق كرة قدم آخر كام شهر لانه ف الحقيقة ف تمن سنين عمل اللي فرق كبيرة مش عارفة تعمله ف سنوات ضوئية ….افرع للنادي و استاد مهيب و لعيبة من افضل اللاعبين …. تقوم تيجي حضرتك و تفتكر كمشجع بائس ان ممكن تتكلم عن اسطورة رياضية و إنسانية و معشوق الملايين ..
و تسعد بقرار عدم رغبته ف التجديد و تروج لان لاعب شاب سابق و لا رجل اعمال هايجوا مكانه عزيزي الخطيب لو قرر آخر يوم ينزل تاني هايكسب تاني احنا مش بنتعامل مع محمود الخطيب كشخص عادي بقي رئيس مجلس ادارة الاهلي انما بنعامله معاملة الاهرامات زيه زي التتش و صالح سليم و الفريق المرتجي و الناس العظمة ديفهمت ؟
اهو محمود الخطيب ده زي كل اللي اتكلمت عنهم ف الاول اهرامات حد ف تاريخ الكون جه مصر و فكر يجرب يهد الاهرامات؟؟؟؟
بنحبك يا كابتن محمود الخطيب يا بيبو يا جميل واي وقت تقرر احنا معاك برضه ربنا يتم شفاك علي خير وقال علي راي الاغنية بتاعتك … بيبو بيبو بيبو الله يا خطيب
