قال نجل الفنان فكري عبد الحميد شبيه عادل امام : والدي في ذمة الله توفي اليوم و العزاء في مسجد الشرطة غدا السبت بعد صلاة المغرب.
يذكر أن كشف الفنان فكري عبد الحميد شبيه عادل إمام في لقاء أنه شارك في العديد من الأعمال الفنية كممثل .
و قال أنه لا يستطيع تقليد عادل إمام و أن الزعيم هو نجم مصر الاول لا أحد يستطيع تقليده مضيفا: عمره ما استغل الشبه بينه و بين الزعيم عادل لكي يعمل مقلب في أحد .
كما كشف أبرز المواقف الطريفة التي تعرض لها بسبب الشبه الكبير بينه و بين الزعيم عادل أمام الناس عندما شاهده عمرو عبد الجليل اعتقد أنه عادل إمام والقطوا صورة معأ .
و استطرد قائلا: “شرف ليا إن الناس شبهوني بالنجم عادل إمام دي حاجة انا بعتز بيها لأن أنا مكنتش حاسس إن أنا شبهه بحد وقتها هذا يقول إن أنا مش شبهه، لكن الناس بتجري ورايا أستاذ عادل أقولهم أنا مش أستاذ عادل ولا أي حاجة بيجوا يقولولي محدش قالك قبل كده إن أنت شبه عادل إمام …. و ممكن نتصور معاك “.
و عن تعاونه مع الزعيم في قال : أشتغلت معاه ، في مسلسل (فلاتيتنو) اختارني الاستاذ رامي إمام، و عملت الحتت الصغيرة اللى بيركب العربية يخش من كمبوند لكومبوند كنت دوبلاير نجم مصر الاول الزعيم عادل امام في مسلسل فلانتينو.
و تابع: أنا اتشرفت إني اشتغلت معاه مسرحية الزعيم بدور صغير حرس عادل إمام و طلعت في 3 فصول، و أشتغلت معاه في بعض الأفلام و هو شخصية جميلة جدا.
وأكمل فكري عبد الحميد : الزعيم عادل إمام يجعل المسرح و الكواليس جميلة، أما عن مسرحية بودي جارد جت من عند ربنا و بقيت شبهه، الناس هي اللي بتقول أنا ماقولتش أنا شبة الاستاذ.
وأضاف: “لما كنت بصور في مسلسل فلانتينو شوفته جة الكموند اللي كنا بنصور فيه و سلمت عليه و خدني بالحضن و هو راجل جميل و طيب و حبيب الناس كلها..ده نجم مصر الأول قمة التواضع مفيش زيه و ربنا يبارك في عمره شخصيه جميلة و هو بيحبني و قعدت معاه كثير في المسرح و انسان كويس جدا”.
