بعد انتهاء سوق الانتقالات الصيفيه رسميا ، ف خليني اصدمك بالارقام المرعبه اللي صرفتها انديه الدوري الانجليزي و الفرق المهول بينهم و بين باقي الدوريات !
انديه الدوري الانجليزي صرفت في الميركاتو الحالي 3.2 مليار جنيه استرليني و ده رقم اعلي من الموسم اللي فات ب مليار جنيه استرليني و المفاجاة ان مفيش دوري تاني قدر يجيب المليار حتي الدوري الايطالي : 896 مليون جنيه استرليني الدوري الالماني : 563 مليون جنيه استرليني الدوري الاسباني : 500 مليون جنيه استرليني الدوري الفرنسي : 476 مليون جنيه استرليني تخيل بقي ان اغلي 10 صفقات اتعملوا في الميركاتو الحالي منهم 8 صفقات في الدوري الانجليزي و معاهم صفقتين اوسيمين الي جالاتسراي و لويس دياز الي بايرن ميونيخ ، اول تلاته في القائمه هم ثلاثي ليفربول ايزاك و فيرتز و ايكتيكي !
المفاجأه الكبيره بقي ان اكتر 10 انديه صرفت في الميركاتو الحالي منهم 9 من البريميرليج و معاهم ليفركوزن ، تخيل ان المركز العاشر هو سندرلاند الصاعد حديثا الي البريميرليج !
معدل الصرف في البريميرليج اصبح مجنوون ، كل الدوريات دلوقتي في كفه و الدوري الانجليزي اصبح في كفه لوحده حرفيا !
