المخرجة ناهد سلامة تقرأ لكم: كيف فضحت الصين براندات أمريكا وأوروبا

الصين قررت من كام يوم وبدون اي تحذيرات او انذارات انها تفضح كل البراندات الامريكية والاوروبية..

وتكشف عن عمليات تصنيع البراندات المشهورة زي شانيل وديور وغيرهم وكمان تكشف عن تكلفة تصنيع كل منتج منهم

والمصيبة ان تكلفة التصنيع طلعت 1٪ او اقل من السعر اللي بتتباع بيه البراندات دي في الستور الاصلي بتاع كل ماركة

ومش بس كده
ده صفحات المصانع دي على تيك توك بدأت في بيع المنتجات بأسعار اقل ما يُقال عنها “رُخص التراب”

ولأن تيك توك موقع صيني بتتحكم فيه الصين من الالف للياء فسامحين ليهم بالبيع والشراء علنا
والتطبيق بيدعمهم انه يطلع الفيديوهات اكسبلور عشان يفضحوا البراندات اكتر

بنطلون زارا اللي بيتباعلك في مصر ب 4000 جنيه وبيتباع في السعودية ب 250 ريال .. تكلفته التصنيعية طلعت 70 سنت
يعني دولار ونص حرفيااااا .. يعني 5 ريال .. يعني حوالي 90 جنيه او اقل

ومش بس زارا .. هم فضحوا براندات الشنط والاحذية والجلود والساعات .. وبيبيعوا الشنط اللي بتتباع في البراند الاصلي ب 200 الف دولار والمشاهير بيطلعوا يتفشخروا علينا بيها وفي براندات بتخليك ويتينج ليست كمان عشان تحسسك بقيمة المنتج وانك حتنول قطعة مش مع حد تاني في العالم .. الصين باعتها على تيك توك ب 200 دولار
نفس الكوالتي والخامة واللوجو والعلامات المائية

لان المصانع دي كلها كان ليهم فروع في الصين الحرب فعليا بدأت ..
لان اصحاب البراندات دي اغلبهم ناس تقيلة ومعاهم فلوس نص الكوكب .. واغلبهم من اللي ميتسموش