ومدام الموت حيفوت علينا..فى زفه أو ف خفوت.
وح نموت ح نموت..بتمنى اصاحبك فى علالى الملكوت.
قال أنا وانت فى الجنه.. انا الذى أكتب.. وانت الذى غنى.. ويحاوطنا هناك… مليون ملاك.. بيرددوا أللحنا.. وملعلعين بالصوت.
بتمنى واللي مطمنى إنى….مانيش آسف على عمر عمره ما ضل حد قد ما عشت لا كف أتمد وخد مناب غيره لا حسد حد على خيره عاش وضميره زى الهوى…
اللى فى الهوا سارح زى الوقار جوه البحار سابح ولا كنت ريح ولا عاصف ولا فى زمان الجوع وسط الجموع لابس حزام ناسف.
بتمنى وانا اللى مطمنى انى.. منيش اسف بتمنى اخش الجنه وبحاول على قد جهدىً جايز الوقت يهدىً لعمرى وقت واقدر اجازف وازرع الشوارع للغلابه توت يبقلهم قوت.
وفى عز زهقتهم يلاطف عارف احنا ليه مخلوقين من طين عارف ليه ما احناش شياطين قال عشان يروينا الحنان ويخضر اليسيسابان فى الروح ويتبرعم الياسمين وتفوح ألوان ويبوح الكتمان باللى عمره ما كان مسموح.
عارف انا ليه دلوقت حزين رغم الوش الضحك انعشان انا انسان وخايف من الموازين عارف دلوقت انا ليه مبسوط علشان الموت لما يفوت فى زفه او فى سكوت ححاول اقابلك فى علالى الملكوت..
